5

ကိုးကန့်တပ် MNDAA အုပ်ချုပ်ရာ လောက်ကိုင်မြို့ကို စစ်ကောင်စီက လေကြောင်းဗုံးကြဲတိုက်ခိုက်ခဲ့၍ အရပ်သား ၁ ဦးသေဆုံးကာ ၁ ဦး ဒဏ်ရာရပြီး အဆောက်အဦးများ ပျက်စီးသွားကြောင်း သိရသည်။

ဇူလိုင်လ ၁၄ ရက်နေ့ နံနက် ၂ နာရီခန့်အချိန်တွင် စစ်ကောင်စီက ဗုံးကြဲတိုက်ခိုက်ခဲ့ကြောင်း ကိုးကန့်သတင်းက ဖော်ပြသည်။

သေဆုံးသွားသူမှာ ဆီအောကျေးရွာက အသက် ၃၇ နှစ်အရွယ် Wang ဖြစ်ပြီး ဦးခေါင်းအနောက်ဘက် ထိခိုက်ဒဏ်ရာဖြင့် သေဆုံးသွားရခြင်းဖြစ်သည်။

စစ်ကောင်စီ ဗုံးကြဲတိုက်ခိုက်မှုကြောင့် တုံချိန်ဒေသရှိ Royal Lever ဟိုတယ်နှင့် International ဟိုတယ်တို့ ထိခိုက်ပျက်စီးခဲ့ရပြီး အနီးအနားက နေအိမ်များလည်း ထိခိုက်ပျက်စီးသွားသည်။