Western News 
3
ကချင်ပြည် ဝိုင်းမော်မြို့နယ် ရှငေါ်ကျေးရွာအနီးက အာဏာသိမ်း စစ်ကောင်စီ (မြန်မာစစ်တပ်) ၏ တပ်စခန်း ၃ ခုကို ကချင်လွတ်မြောက်ရေးတပ် KIA က သိမ်းပိုက်လိုက်ကြောင်း သိရသည်။
ယနေ့ စက်တင်ဘာလ ၃၀ ရက် နံနက် ၁၀ နာရီအချိန်က ချီဖွေလမ်းပိုင်း ရှငေါ်ရွာအနီးက စစ်ကောင်စီ ပင်မတပ်စခန်းနှင့် ကာကင်းစခန်း ၂ ခုကို KIA က အပြီးသတ် သိမ်းပိုက်နိုင်ခဲ့ခြင်းဖြစ်သည်။
စစ်ကောင်စီ တပ်စခန်းများအား သိမ်းပိုက်နိုင်ရေး KIA နှင့်အတူ K-PDF တပ်ဖွဲ့ဝင်များပါ ပူးပေါင်းတိုက်ခိုက်ခဲ့ကြောင်း သိရသည်။
ယခု သိမ်းပိုက်ရရှိထားသော ရှငေါ်ကျေးရွာအနီး စစ်ကောင်စီတပ်စခန်း ပတ်ဝန်းကျင်ကို နယ်မြေရှင်းလင်းရေး KIA က ဆောင်ရွက်နေကြောင်း သိရသည်။