ရုရှားကို ဗြိတိန်လုပ် Storm Shadow ခရုဇ်ဒုံးကျည်များဖြင့် ယူကရိန်းတိုက်ခိုက်

1

ယူကရိန်းသည် US ATACMS ဒုံးကျည်များကို အသုံးပြုပစ်ခတ်ပြီးနောက် တစ်ရက်အကြာတွင် ရုရှားပစ်မှတ်များကို နောက်ဆုံးပေါ် အနောက်တိုင်းလက်နက်အသစ်ဖြစ်သည့် ဗြိတိန်လုပ် Storm Shadow ခရုဇ်ဒုံးကျည်များဖြင့် ယမန်နေ့ နိုဝင်ဘာလ ၂၀ ရက် ဗုဒ္ဓဟူးနေ့တွင် ပစ်ခတ်ခဲ့ကြောင်း သိရသည်။

ယခုတိုက်ခိုက်မှုကို ရုရှားစစ်သတင်းထောက်များက Telegram မှာ ကျယ်ကျယ်ပြန့်ပြန့် အစီရင်ခံခဲ့ပြီး အမည်မဖော်လိုသည့် တာဝန်ရှိသူတစ်ဦးက အတည်ပြုထားကြောင်း သိရသည်။

ရုရှားပိုင်နက်ကို အနောက်နိုင်ငံ လက်နက်များသုံးပြီး တိုက်ခိုက်ခြင်းသည် ပဋိပက္ခကို ပိုကြီးမားလာမည်ဟု သုံးသပ်သူများက ပြောဆိုကြသည်။

ယူကရိန်းအရှေ့မြောက်ပိုင်းနှင့် နယ်နိမိတ်ချင်းထိစပ်နေသော Kursk ဒေသတွင် ကြီးမားသော ပေါက်ကွဲသံ ၁၄ ခုထက်မနည်းကြားရပြီး အများစုမှာ ဒုံးကျည်ကဲ့သို့ စူးရှသော ဝီစီသံများနှင့်အတူ လူနေရပ်ကွက်တစ်ခုတွင် အနက်ရောင် မီးခိုးများ တက်လာသည့် ရိုက်ကူးထားသည့် ဗီဒီယိုဖိုင်အရ သိရသည်။

ရုရှားလိုလားသော Two Majors ရုပ်သံလိုင်းမှ ယူကရိန်းက Kursk ဒေသအတွင်းသို့ မုန်တိုင်းအရိပ် ၁၂ ခုအထိ ပစ်ခတ်ခဲ့ပြီး Storm Shadow အမည်ဖြင့် ဒုံးကျည်အပိုင်းအစများကို ရှင်းရှင်းလင်းလင်းမြင်နိုင်သည်ဟု ဆိုသည်။

သို့သော်လည်း ယူကရိန်းအာဏာပိုင်များက အဆိုပါ ပစ်ခတ်မှုကို အတည်ပြုပြောဆိုထားခြင်းမရှိသေးပေ။

Ref: CNA